CUTE GIRL
المديرة العامة
عدد الرسائل : 102
العمر : 28
تفاعل العضو مع المنتدى :
تاريخ التسجيل : 11/12/2007
 |  موضوع: |||**||| راحــــــــت ســـــــنـــــــــة |||**|||  الأربعاء يناير 23, 2008 6:31 pm | |
| راحت سنة
راحت سنة وجروح قلبي جدايد
،،،،،،،،،،،،، لازال جرحي ينزف لفقد غاليه
أبكي على أمي ما لعيني سدايد
،،،،،،،،،،،،، أبكي ودمع العين ما أقدر أخفيه
أبكي وأنا أدري ما لدمعي فوايد
،،،،،،،،،،،،، عمر البكاء مارد ميت لأهاليه
اليوم قلبي ولعت به وقايد
،،،،،،،،،،،،، كنه من الفرقى على النار تصليه
بيته نهار العيد جيته أعايد
،،،،،،،،،،،،، يا شين وجه البيت من عقب راعيه
جيته على العادة وحسب العوايد
،،،،،،،،،،،،، يوم الفرح يسكن فضاه ومبانيه
واليوم فيه الحزن والصمت سايد
،،،،،،،،،،،،، لف المكان اللي تعطر بماضيه
وين أنت ياللي حزننا فيه زايد
،،،،،،،،،،،،، نبع الحنان اللي غدت به لياليه
وجه سكنه الطيب خيره بدايد
،،،،،،،،،،،،، أم اليتيم اللي طوى الموت واليه
تعطي وتسخي بالوقوت الشدايد
،،،،،،،،،،،،، ما حسبت للقرش وما فكرت فيه
ياالله عسى يوم الحشر والوعايد
،،،،،،،،،،،،، تأخذ كتابه في يمينه وتقريه
ويا الله يامنشي صدوق الرعايد
،،،،،،،،،،،،، يا منشيٍ سحب المطر من مناشيه
يمطر سحابك فوق ذيك الخدايد
،،،،،،،،،،،،، على حزوم الرس سيله يغطيه
وجعل القبور المودعه باللحايد
،،،،،،،،،،،،،يعشب ثراها والزهر شايخٍ فيه
وصلاة ربي عدد حب الحصايد
،،،،،،،،،،،،،على النبي ياللي تبعتوا مباديه
من تأليف ابي الشاعر ::
محمد
الي ألف الشعر ابوي : محمد ..
بسبب مرور سنة كاملة لوقت وفاة اعز مخلوقة بالكون بالنسبة له
الي هي جدتي ام ابي
عدل سابقا من قبل في السبت فبراير 02, 2008 6:19 pm عدل 1 مرات | |
|
jaska
مشرفة
عدد الرسائل : 113
العمر : 26
المزاج : طفشانة
تفاعل العضو مع المنتدى :
النقاط المستحقة للعضو : 20
تاريخ التسجيل : 13/12/2007
| | موضوع: رد: |||**||| راحــــــــت ســـــــنـــــــــة |||**||| الأحد يناير 27, 2008 11:20 am | |
| شعــــــــــــــــــــــــر مرة حلو وننتظر ابداعاتكـ الجميلة وشكرا | |
|
